أغنية
(بحب مصر)
بحب مصرومصر في كياني
بلدي مصر حبي الأولاني
عشت فيها شربت آها
سافرت بيها رنة خطاها
أم الدنيا وماليها تاني
بحب مصرومصر في كياني
بحبك ومين ميحبش مصر؟
غرام قلبك عاصرني عصر
زرع أرضك بنالي قصر
صونت عرضك جابلي نصر
قلب كمل جمال الروح
حبيبة تزعل تطبب جروح
وأم بتضم إيدها الأماني
بحب مصر ومصر في كياني
بعدت عنك غصب عني
دا القلب منك ياحتة مني
شوقي ليكي نيل واصلني
جايب أمل بحاجات تغني
آثار صنعت م الخير حضارة
آمال بناها مصري بمهارة
وأهرام وجندي مات عشاني
بحب مصر ومصر في كياني
فاضل في قلبي دقة ليكي
بعمره كله مشتريكي
لحضن دافي ينده عليكي
خلتني دايب مشتهيكي
عاشق حزين بس شايفك
عروسة حلوة القلب عارفك
من يوم ميلاده يبعت تهاني
بحب مصر ومصر في كياني
بلدي مصر حبي الأولاني
كلمات
حربى علي
شاعرالسويس
