أنا
عايز ابقى غفير
مش عايز ابقى عميد
ولا طالبه معايا سفير
ولا
يلزمني أكون دكتور
وأنول كل التقدير
ولا
حتى أمير الشعراء
أنا طالب ابقى غفير
وأكون للشعرا غفير
واتصيت وابقى شهير
والحظ يا خلق يوافي
وابقى للشعرا كبير
وابقى مسموع الكلمة
وأكون واسع التأثير
بحلم بالحلم يومياتي
والحلم محتاج تفسير
أدعولي ياحبايبي أتقدر
وأتصيت وابقى غفير
ربي يحقق لي منايا
معقول ده ياخلق كتير
شاعر العامية/ عبد المنعم حمدي رضوان
