... ملكة جمال الكون ...
....الى كل نساء العالم الإنسانى ...
بعادك كان حمل تقيل
مفاجأة جابتلى ذهول
ولا كنت أتخيل يوم
تبقى ذكره مالها مثيل
كل ثانيه فاكرك ف الدنيا
كل ثانيه بشوفك قدامى
سيبتيلى بواقى حنيه
فى حياتى وفى احلامى
احلى اسم اسمك يا امه
احلى لقمه من ايدك يا امه
احلى لمه معاكى يا امه
حلاوتك راحت من ايامى
قمر الدنيا من حُسنك
اغلى اسم على لسانى
نبع الحنان من حضنك
مفيش غيره دفانى
اسمك من احلى الاسامى
شربت الصبر منك حنان
والنعمه اللى وهبهالى ربى
والرحمة اللى ساكنه قلبى
انتى الاصيله وكل حبايبى
انتى الجميله وعشق غرامى
عايشه جوايا كل السنين
بسمع نبضك رقه وحنين
عطر انفاسك فل وياسمين
لكى احترامى وحب سلامى
انتى ملكة جمال الكون
ورضاكى هو محراب هيامى
....................................
... د/ حسن الشوان / مصر...
