أهل زمااان .. !!
فين زمان وناس زمان ؟!
لما كات العيشة لمة
أهل ذمة وأهل همة
فوق حصيرة بين حيطان
والإنسان ... كان إنسان
لما كان القلب صافي
لما كان الحضن دافي
والنفوس من غير تجافي
عايشة ف أمان وخيرها وافي
ورد صابح .. بيحضن ربحان
أوضة واحدة كات تلم ..
1000 عيلة والجيران
لما كان الحب ساقية
ليل نهار .. بتسقي شهد
شهد صافي بتاع زمااااان
والحنان .. كان كيمان
زغاليل تطير
غيات ... كتير
بالعصاير والفطاير
تحضن قلب كل فقير
وتدفي قلب يتيم عدمان
لما كات العيشة لمة
والإنسان ... كان إنسان
كات اللمة حاضنة أمة
وتصحي فينا .. كل ذمة
كل خالة ... وكل عمة
القرايب ... والحبايب
النسايب .. والجيران
زي. البدر ف المكان
فين زمان وناس زمان ؟!
كنا نصحى الفجر نرمح
ف الشوارع ع الجوامع
كل ضفة طالعة تجري
من كل حارة وكل شارع
ولما نرجع للبيوت
نلقى كل بيت خلية
الصغير والكبير
الكل قاعد ع الحصير
عمال بيفطر لجل يسرح
الكبار ويا الصغار
فين زمان وأيام زمان ؟!
كل واحد يركب طريقه
ع الغيطان والمزارع
والأغاني عمالة ترقص
ف حضن هيما
وحضن مرقص
والضحكة مالية ...
كل الغيطان
فين زمان وناس زمان ؟!
للأستاذ. منصور أبوقورة