وجه من مدينتي ..... للأستاذ. إدريس العمراني

مفيش حب

مفيش حب في الدنيا دي كله بيتباع فيه

كلمة حلوة تتقال لك والسم مداري فيه

وشوش تضحك في عينك والغدر متخبي فيه

وكل واحد بيقرب لك مصلحة وراها فيه

انا قلبي اتكسر مرة واتعلم يعيش بيه

بقيت اخاف من حضن دافي يطلع نار اتحرق فيه

كل وعد صدقته زمان طلع كدب وانا ضايع فيه

وكل حلم بنيته بايديا وقع فجأة وتوهت انا فيه

قالوا الحب امان وانا ما لقيتش امان فيه

قالوا في قلب يصونك وملقتش حد صان فيه

كل اللي قولت عليهم سند سابوني واترمى فيه

وسابوا قلبي يواجه وحده وجع سنين عايش فيه

انا مش طالب غير صدق بس الصدق مات فيه

ولا كلمة تطبطب عليا من قلب حاسس بيه

كل الكلام بقى رخيص وكل واحد حافظ ويعيد فيه

بس الفعل غايب والنية سواد مستخبي فيه

جربت ادي قلبي لناس واتكسرت ايديا فيه

جربت اعيش بالنية لقيت الغدر بيغرق فيه

كل مرة اقول دي غير كل مرة اخسر فيه

وكل مرة اقول اتعلم ارجع اغلط واضيع فيه

فين اللي يخاف عليا بجد ويصون قلبي فيه

فين اللي يشيل وجعي ويقوللي انا كفاية عليك فيه

فين اللي حضنه يبقى امان مش سجن اتقيد فيه

ولا كله بقى تمثيل ومفيش حد صادق فيه

انا بقيت امشي في الدنيا وقلبي مدفون فيه

بضحك عشان اعدي يومي والوجع ساكن فيه

ولا حد حاسس بالنار اللي كل يوم بحترق فيه

ولا حد شاف الدموع اللي جوا عيني ومخبيها فيه

خلاص بطلت ادور على حاجة ضاعت مني فيه

ولا بقيت اصدق حكاية حب تتحكي عليه

اللي جاي زي اللي راح كله نفس الوجع فيه

ونفس النهاية دايما كسر ودموع بتغرق فيه

ايوه انا شاعر البسطاء ولسه بقولها ليه

مفيش حب يعيش بجد ولا قلب بقى صافي فيه

دي دنيا بتاخد بس ومفيش حد بيدي فيه

واللي يدي قلبه بصدق هو اول واحد يخسر فيه

اه يا دنيا ردي عليا وقولي ليه كدا فيه

ليه الصدق بقى غريب والكذب بقى عايش فيه

ليه كل ما اصدق حد الاقي الغدر مستنيني فيه

هو انا غلطان اني بدور على حب نضيف الاقيه 

 كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة