عزف على جرح قديم
يا ليل قولهم صبري في دمي عنوان
والجدع لو مال يوم يرجع زي الحيطان
انا اللي شفت الهم وشلت حمله زمان
وبرغم كل الجراح واقف ومش ندمان
يا ليل شاهد على وجعي وعلى حرماني
ايام بتلف بيا وترجع لنفس مكاني
اقرب لفرحة الاقي الحزن سبقاني
واضحك واقول يا زمن يمكن ترعاني
اصبر يا قلبي كمان
ده الصبر مفتاح الأمان
واللي يعيش ثابت في وجعه
بكرة يضحكله الزمان
يا عين شوفي اللي شال فوق طاقته جبال
والليل في عز النهار ساكن في البال
كاتم أنيني وصابر على كل حال
والضحكة برة الوش وجوايا ألف موال
انا اللي صاحبت الوجع وعشت له عنوان
وكتبت من دمعي حروف في كل مكان
بعافر الدنيا بقلب ثابت من زمان
والصبر سلاحي لو ضاق بيا الزمان
اصبر يا قلبي كمان
ده الجرح يوم ويبان
واللي يعدي نار سنينه
بكرة يكون له مكان
يا دنيا بلاش تغري قلبي بالكلام
انا اللي شفت الخداع وسط الغرام
رضيت بنصيبي حتى لو فيه آلام
وبكرة النهار يضحك ويمحي كل ظلام
انا مش قليل حيلة بس الوجع كان
خلى الحكاية في صدري نار ودخان
لو يوم حكيت اللي جوايا يبان
بس ثابت ومكمل مهما كان
يا دنيا كفاية جراح مفيش لسه مكان
لا لغدر تاني ولا لخذلان الزمان
شاعر البسطاء سعيد سعيد أمام ثابت على الميدان
وبكرة القدر ينصفني واعيش بكل أمان
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة