لَمَا كُنا صُغيرين
فى الزَمَان إللى كَان من زَمان
قَبل مَا الشعر يِبقى أبيض
لون قُلوب الناس الطيبين
فى الزمان إللى كَان
كَانت اللمه والجِيران
والصِحاب الطَيبين والمكان
فى صَلاة الفَجر كُنا على الأذان
كُل واحد واقف على بَاب من البِيبان
والإيدين الصغيره مَمِدوده للناس الطيبه
كَانوا قناديل المساجد فى الزمان
هَات إيدك أه يَاجدي
يالله بينا عند ربي
إدعىِ لِيه نفسي أكبر
نفسي أطول الشَمعدان
نفسي قلبي يكون مِنور
نفسي أحفظ الأذان
نفسي أحفظ آل عمران ويوسف
نفسي أكون مُزمِل صغير
نفسي أرتل البيان
لما كنا صغيرين كنا ياطِيبه طَيبين
مَر بِينا الزمان
مَابَقاش للطيبين فِيكِ يَاطيبه مَكان
بعد ما تَاه الطريق عن عُيونا
بعد مَا إنِكسر إللى بِنا
بَعد مَا مَاتت فِينا الحَقيقه
بَعد مَا الخوف أصبح مَالينه
بعد ما قَل الإيِمان
ضَاع طَريق الحق مِنا
ضَاع يَاطِيبه كل طَيب
والصُغير والحَقير
قال ياطِيبه أنا الحكيم
مَات يَاطيبه فِيكِ الكِبير
شعر
على أبو السعود
