زجلية بعنوان:
طلقي سراحو***
طلقي سراحو
شوكة في لحلق وغَصة ...
ؤ بالتشلهيب وسختي لواحو
الصمت ملْ مَن صمتو
لوقر ولمودة ولعفة مَلْتو
بَحْ، والظلام شنق صياحو
في محطات الغفلة ما تسواي
ما نضجتي ما بغيتي ترساي
طريق الصافي ما هي طريقك...
اولا رحل لا تقلبي على رواحو
لمعقول وَسَلاًخو
كْوي وَبُخْ وَطرًاحو
بَق مصْ ضحكتو وراحو
لكن لقلب ناضج لْشغلو حاضي
نبضو كشاف وبألحال ما راضي
لملم وزير حبلو في الصفا غادي
لمحبة عندو ما تبلى ما تْشَوك ...
حيت بالنية مولمعقول مْعَمر قداحو
طلقي سراحو
مًلْتك غدر وتبوحيط
سايحة وغدا يضربك لحيط
بدالة هابطة ...
ل كسرت للخير والحب جناحو
كلهم راحو
ذوك لوعود الكاذبة
عجاجة صبحتي وتابعة
عاونوك شْمايت...
ؤ لميزان ثقلوا عليه ولكفات شاخو
بحالك ؤ ل ما صانوا عهد ...
راهم في مستنقع القيح والغيس طاحو
زدتي جراحو
بكى القلب ؤ ما شكى
دفنها في عماقو هو الأصيل وتكوى
فاضت حزانو...
ودمعاتو بِحَرْ لْكِيًة ساحو
الصفا ولوفا والنقا
بعيد عليك يا طعم الدفلى
عوافيك شوطت هناه...
سعدو وراحو
ريشتي فيه كل نبض زوين
لجفا والنكير والجوف عفين
طفيتي شموعو ...
وعجبك جلادو وسلاخو
فاش هاذ لمخلوق لمسالي
ما ميز ما صفى بوهالي
زاحف على بطنو حنش ...
تربية السوق ...
قرد وشطاحو
طلقي سراحو
لا وفا لا هوى بقى
همتو ووجهو ما تنقى
حيت ماركة مْرَجْلة....
فقدت الأنوثة والبوصلة
مهزوزة محبوطة فأش هاذ لحالة
جامي بذيك لعقلية...
يهنى البال ويضوي نور صباحو
طلقي سراحو
***الشاعر والزجال:أحمد الكندودي ***المغرب
