جزيرة صفا
يا قلب صابر على حمول الجبال
بيدور على مرسى وهدأت بال
من ريح غدر بتغير الحال
وبدمع مر ساكن في عنينا
عايز مأمن اتدارى فيه
من وجع دنيا وقسوة تداريه
وحضن دافي روحي تلاقيه
وبالوفا والاصل يحيينا
يا تعب العمر راح في سكة ضباب
وقلوب باعت من غير اسباب
ووعود كانت كدب وسراب
والمر دايما كان يسقينا
بنده بصوتي وفين الوفا
وقلب ابيض ماليه الصفا
يداري خوفي بلمسة دفا
وبالشوق والحب ينادينا
عايز اللي يفهم صمت الكلام
ويكون لي في الشدة درع وسلام
ونعدي سوا مر الايام
والفرح بالخير يراضينا
رموش كحيلة ونظرة حنان
وشفايف بتقطر شهد وامان
ونعيش في جنة ماليها الكيان
والصدق دايما يهدينا
انا شاعر البسطاء والكل عارفني
وعمري ما كان همي اللي شاغلني
بدور على قلب بالروح يوصلني
وبالاصل الطيب يرسّينا
مش طالب جاه ولا طالب مال
انا طالب قلب يريح البال
ويكون لي سند في كل حال
ورب الناس بالستر يغطينا
لو لقيته هكتب سطر جديد
واعيش حياتي في فجر سعيد
ولو ملقيتوش هفضل يا ناس وحيد
واقول فين الحب يحيينا
يا اه من ناس ماليها الزيف
والحب عندها اصبح مخيف
والوفا غايب زي الطيف
والغدر ساكن حوارينا
يا رب دايما في عز وتكريم
والفرح يفضل في قلبي مقيم
بشكركم شكر وافي وعظيم
يا اهل الفضل والخير اللي فينا.
كلمات وتأليف شاعرالبسطاء سعيدسعيدامام #شاعرالبسطاء #سعيدسعيدامام #متابعة #الجميع @ #إشارة